PIALE en Canadá 2016: As clases

Teño que agradecer a Mark McTavish e a Lucia Mason, os meus “contact teachers” no Nepean High School, a súa cariñosa acollida e a súa axuda para integrarme nas actividades do centro.

Asistín a clases, como observadora, con varios profesores e profesoras, que me permitiron intercambiar impresións co alumnado e me ofreceron os materiais que lles entregaban.

·         Bussiness , Grade 10 ( similar a nosa Economía de BAC, tamén aquí optativa en Secundaria)

·         International Bussiness, Grade 11

·         Accounting, Grade 11 (semellante a Contabilidade, pero tendo en conta que é unha optativa de Secundaria)

·         Credit recovery math, como unha clase de recuperación de matemáticas, para aquel alumnado que non superou o crédito. Matemáticas e un crédito obrigatorio en todos os cursos, ao igual que Lingua.

·         English, Grade 9

·         Spanish, Grade 10 (Asignatura de iniciación ao español, tamén optativa)

·         English, Grade 12, para un pequeno grupo que cursa algo semellante ao noso Bac Internacional. 

Outras actividades:

·         Charla co Xefe do departamento de orientación (destacar que teñen unhas adaptacións curriculares semellantes ás utilizadas no noso sistema educativo para alumnos con necesidades especiais)

·         Asistencia a unha xornada de titoría de prácticas

·         Asistencia á presentación dos clubs do instituto, formados por grupos de alumnado que comparten intereses comúns e que tratan de atraer a outro alumnado do instituto e recadan fondos para diversas causas.